kumpulan geguritan (menulis kreatif)

Kumpulan Geguritan klik disini

Jamane

Barang kang nduweni aji

Saiki wus ora digagas

Disepelekake dening wong akeh

Apa iki wus jamane

Jaman kang bubrah

Jaman kang wus ora tata

            Barang sithik dadi kanca

            Barang akeh dadi bencana

            Ayo padha tangia

            Aja mung bisane ngresula

            Candhak tandhang gawe

            Kareben ana gunane

Ayo padha sadhar

Aja mung bisane mung nyampah blaka

Iki Negara kang nduweni tata karma

Ayo padha dijaga

Aja bisane mung nyebabake bencana

Kanca Maya

Esemane manis

Pawakane gagah prakasa

Tandang tanduke nyenengake

Senadyan ta isih awing-awang

Amarga durung wani anggone micara

Apa kudu kaya mangkene

Ati iki rasane wus ora karuwan

            Bisane mung gawe ati seneng

            Rasane malah sansaya kesengsem

            Ah, iki isih durung pasti

            Ileng mbok yo sing ileng

            Iki durung bisa dadi nyata

            Iki kabeh mung dadi kanca maya

            Kang durung bisa mangerti

            Kapan bisa tinemu

Goa Kreo

Sliramu kang ngerindhu ati

Apa ya sliramu ngrungokake

Isine atiku

Netes eluhku

Mikirke sliramu

Nalika ing papan iki

Sliramu wus nentremake atiku

Susah seneng jare dilakoni bareng

Ananging sliramu malah ngilang

Ing goa kreo iki

Papan kang wus ngilengke

Papan dunungmu marang aku

Tulung, nyingkira marang aku

Aku wus lila legawa

Pancen iki wus dalane

Kanggo aku lan sliramu

Kolam Renang

Delengen kae,

Langit mendhung

Awan-awan padha ngresula

Dhuh Gusti,

Kepiye carane

Kareben urip mulya ing donya

Heee menungsa

Apa kowe ora ngerteni

Aja bisane mung gawe cilaka

Kuwi dudu kolam renang

Sing nduweni banyu kang resik

Kuwi banjir

Sing anane mung nyebabake penyakit

Ayo para kanca

Padha ngremenani kahanan

Ileng donya iki titipan

Kang kudu dijaga

Kampus rasa budaya

Ijo royo-royo

Iku slogane

Iki lho sing jenenge konservasi

Ayem tentrem

Gemah ripah loh jinawi

Kampus endah edi peni

Budaya gung dipunlestantunaken

Supaya dadi wong kang migunani

Tumrap Bangsa lan Negara

Bakal endah salaminya

Kangen

Manah iki wus tratapan

Bingung karepe arep tumindak

Rasa iki wus gawe manteping manah

Nalika sesandhingan

Aku wus seneng banget

Rasa kangen iki gawe pengin ketemu

Weruh saka adohan wae

Wus kesengsem

Hah, nambahi kangen wae

Panetrapmu gawe senenge atiku

Kanca kang kinasih

Nalika sapisan

Atiku wis mantep

Marang kowe kabeh

Kang bakal dadi kancaku

Kang bakal nanting aku nalika tumiba

Kang bakal ngancani aku nalika susah

            Rangkul aku

            Anggep aku kluwargamu

            Lan aku bakal nganggep kowe kluwargaku

            Cuk,

            Aja ninggalke aku

            Tetep ning kene

            Tetep dadiya

            Kanca kang kinasih

Mamak

Sebutan kuwi ora asing maneh

Ya, mamak

Mamakku sing dak tresnani

Nalika cilik

Aku dirumati lan digemateni

Saiki ganten aku sing kudu ngrumati

Supaya dadi anak sing nduweni budi

            Mamakku sing dak tresnani

            Saiki anakmu wus gedhe

            Aja kok anggep aku cilik

            Aku wus bisa njaga awakku dhewe

            Aku bakal dadi anak sing bisa mbales budi

            Marang gumedhene rasa tresnamu marang anakmu

Gedhene gunung ora bisa ngungkuli

Rasa gedhene panuwunku marang sliramu

Aku ora lila yen mangerteni

Nalika sliramu

Nadhang loro mikirke awakku

Sepurane ingkang gedhe

Mamak aku tresna marang sliramu

Lawang Ngelmu

Yen sira ta dadi lawang, banjur apa sing kok karepake?

Lawang kang rusak, lawang kang resik, apa lawang sing durung wutuh.

Aku bakal dadi lawang kang resik

Supaya aku bisa dadi pepadhang

Migunani marang wong ing donya

Bakal dak bukak

Kanthi menga kang amba

Supaya cahya mlebet ing nala

Kaya dene lawang ngelmu

Sing bisa gawe urip mulya

Yaiku buku

Buku kang nduweni rumus

Supaya bisa dadi wong sing nduwe tata

Ing donya lan akhirat

Hoaks

Hoaks,

Aja gampang pracaya

Aja gampang emosi

Aja gampang gemati

Kene iki dadi siji

Jare harga mati

Lagi ngono wae wus nyebarke pawarta

Sing ora ngepenakake penggalihe wong liya

Ayo,

Ndang padha sadhar

Bangsa iki kudu dijaga

Ora malah dibudidaya karo wong njaba

Kerja! Kerja! Kerja!