essay sindhenan jawa kaancam kaliyan lagu jaman now

Sindhenan Jawa Kaancam Kaliyan Lagu Jaman Now

Saperangan saged kita mangertosi menawa sindhen menika sampun boten asring kepireng ing jagad nuswantara. Sindhen menika sebutan kangge tiyang estri ingkang nyanyi ngiringi gamelan utawi karawitan sadurunge tembang utawa gendhing diwiwiti kayadene nyanyi solo sadurunge tembang utawa gendhing diwiwiti. Ananging samenika namung saperangan remaja utawa tiyang enem ingkang mangertosi lan nguri-uri babagan persindhenan menika, amarga sindhenan jawa menika sampun kalah kaliyan lagu-lagu utawa tembang-tembang ingkang langkung hits tinimbang tembang utawa gendhing-gendhing jawa.

Lagu-lagu hits jaman now menika saged ditingali wonten internet dados gampang sanget menawa tiyang badhe ningali. Kadosta lagu pop, lagu dhangdhut, lagu reggea, lagu rock, lan sapiturute. Kenging menapa para remaja utawa tiyang enem langkung seneng nyinauni lagu-lagu menika, amargi lagu-lagu hits jaman now langkung gampang menawa arep disinauni. Saged ditingali saking lirik lan instrumen, lagu-lagu ingkang gampang dimangertosi artine utawa tegese. Lagu-lagu hits saged dinyanyikake tanpa instrumen, ananging sindhenan jawa menika kedah dinyanyikake kaliyan piranti gamelan supaya titi larasipun boten fales.

Sindhen jawa menika nggadhah ciri khasipun, inggih menika menawa sidhen nggadhah swaten ingkang sae, melengking, lan jernih. Pesindhen menika sebatan kangge tiyang ingkang saged nyindhen. Sindhen menika kedah menthel anggene nyanyi, supaya penonton saged terhibur. Biyasane sindhen menika boten saged kepisah kaliyan karawitan, amargi karawitan menika ingkang ngiringi sindhen nalika arep nembang. Dados menawi wonten karawitan teng mriku ugi wonten pesindhen. Karawitan ugi mbutuhake sindhen supaya menapa ingkang dilagokake wonten ingkang nembangi boten kothong. Sindhenan jawa lan karawitan biyasane kangge ngiringi kethoprak, wayang, lan sapiturute.

Teknologi ingkang canggih saged ndadosake para remaja utawa tiyang enem langkung gampang mangertosi lagu-lagu ingkang lagi hits samenika. Parkawis menika sidhenan jawa dados boten asring dipelajari utawa ditonton, ingkang saged dimangertosi sindhenan jawa menika salah satunggaling kebudayan jawi ingkang kedah diuri-uri supaya boten ical saking jagad nuswantara. Mula saking menika minat remaja utawa tiyang enem ing bidhang persindhenan saged diarani rendah. Malah wonten ingkang boten minat babar blas kangge ajar lan nguri-uri kebudayan jawi menika.

Para remaja utawa tiyang enem langkung seneng sinau lagu-lagu ingkang hits jaman now amarga wonten saperangan tiyang enem ingkang boten mangertosi babar blas ngenani persindhenan menika. Parkawis menika wajar sanget amarga wong tua rumiyin boten sedaya ngajari putra putrine babagan persindhenan jawa, dados putra putrine boten mangertosi babagan persindhenan. Lagu-lagu hits jaman now samenika langkung gampang kangge dimangertosi lan dipelajari, amarga bahasane saged dimangertosi kaliyan para remaja utawa tiyang-tiyang enem. Benten kaliyan tembang-tembang utawa gendhing-gendhing jawa ingkang ngangge bahasa jawi kina dados para remaja utawa tiyang enem boten mangertosi artine lan susah kangge ngucapake. Menawi sampun biyasa anggene sinau sindhenan jawa menika gampang  kangge mangertosi artine lan ngucapake tembung per tembung, ananging benten kaliyan tiyang ingkang boten biyasa nembangake sindhenan jawa menika. Ateges sindhenan jawa menika boten sedaya tiyang saged ajar lan sinau babagan menika, ananging kedah wonten tiyang ingkang langkung paham lan mangertosi babagan sindhenan ingkang purun ngajari tembang utawi gendhing-gendhing jawa marang remaja utawa tiyang-tiyang enem.

Nalika mirengake tembang utawa gendhing-gendhing jawa para remaja utawa tiyang enem malah ngrasa wedi amarga boten asring mirengake tembang utawa gendhing-gendhing jawa. Perkawis menika salah satunggaling penyebab para remaja utawa tiyang enem boten purun ajar sindhenan jawa. Amarga asring tembang utawa gendhing-gendhing jawa menika diangge ngiringi film-film horor. Mula saking menika kedah wonten seminar utawa edhukasi ngenani persindhenan jawa supaya sedaya tiyang saged mangertosi ingkang langkung jelas babagan persindhenan jawa ingkang salah satunggaling kebudayan jawi ingkang kedah di uri-uri kaliyan sedaya tiyang jawa supaya boten ical saking jagad nuswantara.

Sindhenan jawa menika dados kaancam kaliyan lagu-lagu hits jaman now, mula saking menika remaja utawa tiyang enem ingkang nggadhah umur langkung prodhuktif saged aktif lan nyinauni babagan persindhenan menika. Saged dimangertosi menawi sakniki sindhen jawa sampun awis ditingali dhateng dhaerah-dhaerah pulau jawa. Malah tembang utawa gendhing-gendhing jawa sakniki digunakake kangge ndamel sountrack film-film horror. Perkawis menika malah ndamel para remaja utawa tiyang enem ngrasa wedi lan ketar-ketir menawa arep nembangke tembang utawa gendhing-gendhing jawa.

Sindhenan jawa menika salah satunggaling kebudayan jawi ingkang kedah di uri-uri kaliyan sedaya tiyang jawa supaya boten ical. Mula sindhenan jawa kedah dimangertosi lan dipelajari kaliyan para remaja utawa tiyang enem ingkang langkung prodhuktif kangge nyinauni babagan sindhenan jawa menika. Seminar utawa edhukasi ngenani persindhenan jawa kedah dilaksanakaken supaya boten saperangan remaja ingkang mangertosi babagan persindhenan jawa menika. Para remaja utawa tiyang enem kedah nggadhahi sikap ingkang langkung prayoga kangge nyikapi lagu-lagu hits jaman now lan ugi saged nyinauni bidhang persindhenan supaya kebudayan jawi menika boten ical saking jagad nuswantara.